|
|
الحرامى حاطط الباب فى نص الشارع وجرى ....فالمسطول وقف عند الباب وقال له افتح يا جبان
*************************************
تلاتة بيحششوا واحد قال لهم لو البوليس جه دلوقتى نعمل ايه واحد قال انا هاعمل نفسى
سيجارة مرمية على الارض والتانى قال انا هاعمل نفسى سيجارة مرمية على الطفاية
والتالت قال انا هاعمل نفسي سيجارة مرمية من الشباك لما جه البوليس واحد رمى
نفسه على الارض والتانى رمى نفسه على الطفاية والتالت رمى نفسه من الشباك
فوقع على واحد فى الشارع قال له احرقونا بقه احرقونا
************************************************** **
مره حشاشين كانو قاعدين في خيمه...بس مكانش معاهم حاجه يولعو بيها فبعتو واحد
منهم يجبلهم ولاعه...طلع ودخل من الناحيه التانيه !!و قال يا جماعه لو سمحتو ممكن
ولاعه.... قالوله اقعد..اقعد.. احنا بعتنا واحد يجيب
************************************************** ***
مرة ظابط لقى تلاته شباب شربين فى الشارع مسكهم وقبل ميروحوا على القسم
صعبوا علية فقلهم اللى هيقلى جملة اخر كلمة منها لأ هروحة الاول قالة : ياباشا انا
شربت بانجو وخمرة ولكن ظابط كلمنى لأ الظابط قاله: يابنى جدع روح روح والتانى
قاله: ياباشا انا سرقت وقتلت لكن ركبت عربية البوكس لأ الظابط قاله : شاطر يابنى
روح روح التالت قاله: ياباشا لو قلت الحقيقة هتصدقنى الظابط قاله : طبعا لأ التالت
قاله: طيب روح انت ياباشا
************************************************** *
مدرس بيشرح على السبورة فى الفصل وظهره للتلاميذ فسمع صوت عالى جدا فقال
اسكت ياواد ياحماده لحسن اضربك التلاميذ قالوا له حمادة مش موجود يا استاذ ...
آم الاستاذ قال لهم لما يجى تقولوا له
************************************************** *
4 أغبياء راحو يلعبو بلياردو.... واحد منهم ركب على الطرابيزة و قال لهم انا الجووون
************************************************** ****
مره مجموعه هجموا علي شخص وفي ايديهم السلاح وسالوه :انت معانا ولا مع
الناس التانيين؟؟؟ فرد الشخص برعب شديد وقالهم على الفور انا معاكوا طبعا ..
فقاوا له : احنا الناس التانين .. طاااااخ
************************************************** ***
واحد غبى قوى حكموا عليه بالاعدام.. بعد ما علقوه فى المشنقه قعد يشاور
ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه....
فبص لهم وقال: ياجزم كنت هتخنق
************************************************** **
واحدغبى فى الجيش القائد اداله اغلى قنبلة فى العالم وقال له ارميها على
الاعداء من فوق الجبل اللى بين الجيشين قام الراجل طلع على الجبل ولاول
مرة فكر وقال القنبلة دى غالية قوى طب ما بلدنا اولى بيها ......ورماها على جيشه
************************************************** ***
واحد جاله جواب ومكتوب في اخره ..... صندوق البريد ص.ب 44 ... الراجل مفهمش
يعني إيه ؟ سأل واحد تاني قال له ....يأخي بيقولك عايز صندل بني مقاس 44
************************************************** ****
اثنان صعايدة يلعبون الشطرنج فقال الأول : قتلتلك الحصان فأستأذنه الثاني بضع
دقاق و عندما عاد اليه قال : سممتلك البهايم كلها
************************************************** **
اثنين صعايدة راحو محطة القطار ولقو القطار مروح لحقو وراه واحد فيهم لحقه
وركب والثاني ماقدر ش وقعد يضحك ؟؟ الناس سالوه بتضحك ليه ؟؟ قالهم
اللي ركب القطار هو المودع وانا المسافر
******************************************
اثنين صعايده يلعبون شطرنج .. كيف انتهت اللعبه؟؟ الملك جتله جلطه من صراخهم
***********************************************
مرة واحد بقول لواحد صاحبه:الحق التعبان دخل اودة حماتك قاله سيبه يستاهل
************************************************** ****
اتصلت إحدى الزوجات من الصعيد بزوجها على الهاتف الجوال و صادف وجوده عند
الحلاق ولما رد عليها قالها عرفتى ازاى اننى عند الحلاق ؟
************************************************** ************
مره واحد جاب لأمه دواء يخليها ترجع 20 سنه وره فتانى يوم راح لها و قال
(ايه الحلاوه دى و مين العيل الصغير ده )قالت : يانهارى أصل أبوك شرب الدواه كله
************************************************
واحدة صعيدية رماها زوجها من الدور الثالت طلعتله وقالتله بلاش الهزار التقيل ده
************************************************** ******
امريكي وهندي وصعيدي تاهوا في الصحراء ولقو الخاتم السحري ولهم 3 طلبات
الامريكي طلب يرجع لأمريكا والهندي طلب يرجع للهند اما الصعيدي فشاف نفسه
وحيد في الصحراء فطلب انه يرجعهم له
************************************************** *******
مرة استاد سأل طالب في اي فصل يسقط المطر فال له في الفصل اللى مالهوش سقف
************************************************** ***********
واحد مسطول ماشى فى بيتهم خبط فى امه.. راحت قالت له:انت اعمى؟؟
مش شايفنى؟؟ بص لها بمنتهى الهدوء وقال:لأ ... انا شفتك طبعآ بس مش فاكر فين؟؟
************************************************** *********
مره اتنين مساطيل واحد قال للاخر مش فيتنام فازت على امريكا فى الحرب واحنا فزنا على اسرائيل .... المسطول الثانى قال له : يبقى كده احنا المفروض نصفى مع فيتنام
***********************************************
واحد بيسال صاحبه ليه الورق بيسقط في الخريف قاله اصله ما ذاكرش حاجه طول الصيف
**************************************************
واحد كل م ينزل من بيته يلاقى واحد قاعد جنب عمود بيدخن سيجارتين فساله عن السبب.. قاله انه متعود هو و واحد صاحبه ان يقعدوا يشربوا سجاير هنا بس صاحبه مات فبيشرب واحده ليه و واحده لصاحبه ...... بعد مده صاحب البيت شاف نفس الراجل تحت العمود بيشرب سيجاره واحده فقاله انت نسيت صاحبك ولا ايه ؟؟؟؟ قاله: لأ اصل انا بطلت
************************************************** ****
مرة واحد مسطول لبس جزمة فردة حمرا و فردة بيضا فحط رجل على رجل شافو مسطول صاحبه و قال اول مرة اشوف واحد حاطت رجله على رجل اللي جانبه
************************************************
مساطيل قاعدين يصطادوا جراد عدّت من فوقهم هليكوبتر .... واحد منهم قال
جت أمهم ... استخبوا استخبوا
************************************************** ****
اتنين مساطيل قاعدين وبعدين فى جنازة معدية عليهم ... وعلى نفس الطريق فى عربية نقل جاية بسرعة فائقة ..... فالجنازة تركت الميت وجريت .... وفجأه العربية ضربت فرامل وتفادت الجنازة ..... فالمسطول قال لصاحبه تصدق .. الميت ده انكتب له عمر جديد
********************************************
المصدر : http://masrstars.com/vb/showthread.php?t=244238 - masrstars.com
|
|
0 تعليقات