لو رجلك متشققة فى الشتا .. تعالى ورايا

شفتوا يا بناتيت
انا طبعا زى اى بنوتة بعانى فى الشتاء فى بشرتى وخصوصا رجلى ...
قعدت ابحث وادور واطلع وانزل اشوف فى البرد دة اعمل اية ؟؟؟
لان طبعا لقيت رجلى عايزة شوية عناية
بعدث بحث ومحص وفحص
عملت الكورس الجامد دة بعد نتيجة مقالة مشيت على النصايح بتاعتها
اول حاجة :
1. حمام الماء الدافئ اخدت حمام ماء دافىء علشان اتخلص من الجلد الميت اللى فى رجلى .. ودة كان لمدة 10 دقايق او ربع ساعة مثلاً...
وطبعا مش عايزة اقولك مسكت الحجر اللى جبته من محل العطارة اللى شكله بيكون كدة لمدة خمس دقايق .

ثانى حاجة بقا
2. ترطيب القدمين
بعد الحمام الدافى دة .. حطيت كريم مرطب على رجلى ولبست شراب مدفى علشان احافظ على الترتيب وياريت دة يبقا قيل النوم يا بناتيت.. ولو معندكيش كريم مرطب ممكن نقطتين زيت زيتون نقى دة مفيد اوى زى الكريم المرطب .

بعد كدة ثالث حاجة
3. ارتداء الأحذية المريحة
علشان احافظ بقا على ترطيب الرجل ومتتشققش بسرعة لقيت انى البس احذية مريحة وابعد تماما عن الكعب العالى لانه اصلا مؤذى غغير انه مش مريح لرجلى.

4. راحة القدمين
بعدين بقا حاولت على قد ما اقدر ما اقفش كتير لان سمعت ان الوقت كتير بيرهق القدم والشرايين.

اخر حاجة عملتها..
5. تدليك القدمين
قبل النوم وبعد الحمام الدافى .. فى لحظة ترطيب القدمين عملت لرجلى مســاج وتدليك علشان سمعت ان دة بيعمل على تنشيط الدورة الدموية في الرجلين.
اخر نصيحة قريتها ,,,
العناية بالقدمين تتطلب اهتماماً دائماً، علشان كدة اعملوال الموضوع دة مرة او مرتين فى الاسبوع!
منى ليكوا احلى تحية ورجل مرتاحة